Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Қазақстан мен БАӘ арасында $900 млн...
Текст
"АҚМОЛА ОБЛЫСЫ БІЛІМ БАСҚАРМАСЫНЫҢ СТЕПНОГОРСК ҚАЛАСЫ БОЙЫНША БІЛІМІ БӨЛІМІ ЖАНЫНДАҒЫ СТЕПНОГОРСК ҚАЛАСЫНЫҢ "АЙГӨЛЕК" №1 БАЛАБАҚШАСЫ" МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ ДЕТСКИЙ САД №1 "АЙГӨЛЕК" ГОРОДА СТЕПНОГОРСК ПРИ ОТДЕЛЕ ОБРАЗОВАНИЯ ПО ГОРОДУ СТЕПНОГОРСК УПРАВЛЕНИЯ ОБРАЗОВАНИЯ АКМОЛИНСКОЙ ОБЛАСТИ
Жаңалықтар
-
21.09.2022
Қазақстан мен БАӘ арасында $900 млн болатын келісімдерге қол қойылды Біріккен Араб Әмірліктеріне ресми сапармен барған ҚР Премьер-Министрі Әлихан Смайылов осы елдің іскер топтар өкілдерімен келіссөздер жүргізді. Инвесторларға тау-кен металлургия кешені, ауыл шаруашылығы, мұнай-газ саласы, құрылыс және т. б. салалардағы жалпы сомасы $6,5 млрд-тан астам жаңадан 40 инвестициялық жобалар тізімі ұсынылды. Әлихан Смайылов «Mubadala» тобының бас атқарушы директоры Мусаббих әл-Каабимен кездесті. «Mubadala» – бағалау активтері $285 млрд-ты құрайтын және тәуелсіз қорлардың әлемдік рейтингісінде 13-ші орынға ие мемлекеттік инвестициялық-девелоперлік компания. Премьер-Министр ҚР Үкіметі бірқатар бағыттар бойынша ынтымақтастықты кеңейтуге мүдделі екенін атап өтті. «Энергетика, химия өнеркәсібі, ауыл шаруашылығы, тау-кен металлургия кешені салаларында әлеуетіміз зор. Бұл тұрғыда әлемдегі қазіргі жағдайды ескере отырып, арнайы әзірленген жаңа жобаларды іске асыруға қатысуды ұсынамын», — деді Әлихан Смайылов.
https://ortcom.kz/kk/novosti/1663671706
-
21.09.2022
Президент Жарлығы: Нұр-Сұлтан қаласының атауын Астана деп өзгерту туралы Қазақстан Республикасының елордасы – Нұр-Сұлтан қаласының атауын Қазақстан Республикасының елордасы – Астана қаласы деп өзгерту туралы. «Қазақстан Республикасының əкімшілік-аумақтық құрылысы туралы» 1993 жылғы 8 желтоқсандағы Қазақстан Республикасы Заңының 9-бабына сәйкес ҚАУЛЫ ЕТЕМІН: 1. Қазақстан Республикасының елордасы – Нұр-Сұлтан қаласының атауы Қазақстан Республикасының елордасы – Астана қаласы деп өзгертілсін. 2. Осы Жарлық алғашқы ресми жарияланған күнінен бастап қолданысқа енгізіледі. Қазақстан Республикасының Президенті Қ.Тоқаев
https://ortcom.kz/kk/novosti/1663556661
-
21.09.2022
Президент Конституцияға өзгерістер мен толықтыру енгізу туралы Заңға қол қойды Мемлекет басшысы «Қазақстан Республикасының Конституциясына өзгерістер мен толықтыру енгізу туралы» Қазақстан Республикасының Заңына қол қойды. Мемлекет басшысы «Қазақстан Республикасының Конституциясына өзгерістер мен толықтыру енгізу туралы» Қазақстан Республикасының Заңына қол қойды. Заңның мәтіні баспасөзде жарияланады.
https://ortcom.kz/kk/novosti/1663417713
-
21.09.2022
Тоқаев Головкинге: Сен әлемдегі және еліміздегі ең үздік чемпион болып қала бересің Қасым-Жомарт Тоқаев кәсіпқой бокстан екінші орта салмақтағы абсолютті әлем чемпионы атағы үшін мексикалық Сауль "Канело" Альвареске қарсы шаршы алаңға шыққан Геннадий Головкинге телефон шалып, оған қолдау көрсетті. Мемлекет басшысы Геннадий Қазақстанды әлемдік аренада танымал ету үшін зор үлес қосқанын атап өтті. - Сен жанкүйерлер үшін әлемдегі және еліміздегі ең үздік ұлттық чемпион болдың және чемпион болып қала бересің. Біз сені мақтан тұтамыз! - деді Президент.
https://ortcom.kz/kk/novosti/1663555979
-
21.09.2022
Қасым-Жомарт Тоқаев Нью-Йоркке жұмыс сапарымен келді Президент Қасым-Жомарт Тоқаев БҰҰ Бас Ассамблеясының 77-сессиясына қатысу үшін Нью-Йоркке жұмыс сапарымен келді. ▪️ Мемлекет басшысы 19 қыркүйекте JPMorgan Chase & Co, Citi, Goldman Sachs, NASDAQ секілді жаһандық қаржы институттарының басшыларымен кездесу өткізеді. ▪️ Сонымен қатар Қасым-Жомарт Тоқаев Boeing, ExxonMobil, General Electrics, Wabtec, Microsoft сияқты трансұлттық компаниялардың жетекшілерімен, сондай-ақ сарапшылар тобының өкілдерімен кездеседі. ▪️ 20 қыркүйекте Президент БҰҰ Бас Ассамблеясының Жалпы дебатында сөз сөйлейді. ▪️ Бұдан бөлек, БҰҰ Бас хатшысымен, Еуропалық Одақ басшылығымен және бірқатар мемлекет басшыларымен олардың өтініші бойынша кездесулер өткізу жоспарланып отыр. ▪️ Қасым-Жомарт Тоқаев Азық-түлік қауіпсіздігі жөніндегі жаһандық саммитке де қатысады.
https://ortcom.kz/kk/novosti/1663556241
-
21.09.2022
Алматының он тұрғыны «Қаланың Құрметті азаматы» атағын алды Алматы тұрғындары дәстүр бойынша қыркүйектің үшінші жексенбісінде Қала күнін атап өтті. Қаланың әртүрлі бөліктерінде мерекелік іс-шаралар басталды-концерттер, көрмелер, қойылымдар және басқалар. «Сүйем сені, Алматы!» ретро-фестивалінің ашылу салтанатында қала әкімі Ерболат Досаев алматылықтарға құттықтау сөз сөйледі. «Сіздерді Қала күнімен шын жүректен құттықтаймын! Бұл бәріміз үшін, әрбір алматылық үшін ерекше мереке! Мен осында туып өстім, менің ең жылы естеліктерім Алматымен байланысты. Мұнда мен отбасын құрдым, балаларым өсіп келеді. Бізде Алматыны дамыту бойынша үлкен мақсаттар мен міндеттер бар. Бәріміз бірге қаламызды одан одан да жақсырақ және әдемі етуіміз керек. Біздің негізгі мақсатымыз – жайлы қалалық орта құру және мегаполистің барлық аудандарында тұрғындардың табысын арттыру. Мен Алматының барлық тұрғындарына шын жүректен махаббат пен зор денсаулық тілеймін! Біздің Алматы өсіп, гүлдене берсін!», – деді Ерболат Досаев. Құттықтау сөзінен кейін мегаполис басшысы Алматының дамуы мен гүлденуіне елеулі үлес қосқан 10 тұрғынды «Алматы қаласының Құрметті азаматы» атағымен марапаттады. Олардың қатарына Ұлы Отан соғысының ардагері, тарих мұғалімі, қоғам қайраткерлері, әртістер және т.б. кірді. Құрметті атақтан басқа, марапатталғандар 1 млн теңгеге ақшалай сертификаттар алды.
https://ortcom.kz/kk/novosti/1663559124
-
21.09.2022
Павлодар облысында 1200 бас малға арналған сүт-тауарлы ферма ашылды Ақтоғай ауданындағы жаңа ферма өңірдің ішкі нарығының жүз пайызын сүтпен қамтамасыз етеді. Шикі сүт өндіру көлемі жылына шамамен 10 мың литрді құрайды. Кәсіпорынның бас директоры Александр Терентьевтің айтуынша, қазіргі таңда кәсіпорын Словакиядан сүт және ет бағытындағы симментал тұқымды 93 ірі қара мал әкелді. Жыл соңына дейін тағы 1000 аса бас мал әкелу жоспарланып отыр. Әбілқайыр Сқақов мұндай жобалардың маңыздылығын атап өтіп, ұжымға табыс тіледі. Біздің облыс ауыл шаруашылығы саласын қарқынды дамытуда, - деп атап өтті облыс әкімі. – Бұған Ертістің су әлеуеті ықпал етеді. Тек соңғы 2,5 жыл ішінде суармалы егістік алқаптары 40%-ға өсті, бұл өңірдің агроөнеркәсіптік кешенінің дамуына оң әсер етеді. Ферманың іске қосылуымен 90 жұмыс орны ашылды. Инвестициялық жобаның құны 6 млрд теңгеден астам соманы құрайды. Ауыл шаруашылығы кәсіпорны өңірдің ішкі нарығын 100%-ға қамтамасыз етеді. ▪️Биылғы жыл рекордтық жыл болды – агроөнеркәсіп кешенді субсидиялауға 450 млрд теңгеден астам қаражат бөлінді. Павлодар облысының мысалында мемлекеттік қолдау шараларының оң нәтижелерін көріп отырмыз, - деді ҚР Ауыл шаруашылығы министрі Ербол Қарашөкеев. Жалпы, өңірде жұмыс істеп тұрған 36 сүт-тауарлы фермалардың әрбір үшіншісі соңғы екі жылда іске қосылды. Осының арқасында 500 жұмыс орны құрылды. Тағы сегіз сүт-тауарлы фермасын ашу жоспарланып отыр.
https://ortcom.kz/kk/novosti/1663558327
-
21.09.2022
Қарағанды облысында жиынтық қуаты 218,7 МВт 7 ЖЭК объектісі жұмыс істейді Қарағанды облысында алдағы жылыту маусымына дайындық штаттық режимде өтуде. Бүгінгі күні қажетті іс-шаралар 90% жоспар бойынша орташа есеппен 93,3%-ға орындалды. 2022 жылғы 17 қыркүйекте ҚР Энергетика министрі Болат Ақшолақов Қарағанды облысының тұрғындарымен кездесуде сөйлеген сөзінде 2022 жылғы 8 айдың қорытындысы бойынша Қарағанды облысы бойынша 7,3 млрд кВтсағ электр энергиясы өндірілгенін және тұтынудың оң теңгерімі байқалғанын атап өтті. Облыстың электр станцияларының белгіленген электр қуаты – 2319 МВт, қолда бар электр қуаты – 1921 МВт. Өңірді негізгі жылумен жабдықтау көздері 2-ЖЭО, 3-ЖЭО және басқа жылумен жабдықтау объектілері болып табылады, олардың жиынтық белгіленген қуаты 2,4 мың Гкал/сағ, ал қолда бар қуаты 1,8 мың Гкал/сағ. ҚР Энергетика министрінің ақпараты бойынша, Қарағанды облысында алдағы жылыту маусымына дайындық штаттық режимде жүріп жатыр. Бүгінгі таңда жылыту маусымына дайындық бойынша іс-шаралардың орындалуы жоспарға сәйкес 90 % болған кезде, орташа есеппен 93,3 % орындалды. Сондай-ақ, өңірде жаңартылатын энергия көздері технологиясын қолдану арқылы энергияны өндіру белсенді дамып келеді. Бүгінгі таңда жиынтық қуаты 218,7 МВт 7 ЖЭК объектісі жұмыс істеп тұр, соның ішінде қуаты 216 МВт болатын 4 күн электр станциясы және қуаты 2 МВт болатын 2 биоэлектр станциясы, қуаты 0,6 МВт болатын 1 гидроэлектр станциясы бар, деп түйіндеді ҚР Энергетика министрі Болат Ақшолақов.
https://ortcom.kz/kk/novosti/1663557927
-
21.09.2022
Павлодар облысында 2025 жылға дейін АӨК-те 187 млрд теңгенің 26 инвестжобасы іске қосылады Павлодар облысында АӨК-те 2025 жылға дейін құны 187,8 млрд теңге болатын 26 инвестициялық жоба іске қосылады. Бұл туралы өңірге жұмыс сапарымен барған ҚР Ауыл шаруашылығы министрі мәлімдеді. Сонымен бірге Ербол Қарашөкеев жаңа кәсіпорындар маусымаралық кезеңде ауыл шаруашылығы өнімдері тапшылығының орнын толтыруға және облыс пен астана базарларындағы бағаларды тұрақтандыруға, сондай-ақ 1000-нан астам жұмыс орнын құруға мүмкіндік беретінін айтты. Айта кетейік, министр жұмыс сапары аясында бірнеше шаруа қожалықтарында, соның ішінде мал және өсімдік шаруашылығы фермаларында, көкөніс қоймасында болып, 1000 басқа арналған жаңа сүт-тауар фермасының ашылуына қатысты. Ақтоғай ауданы Жоламан ауылында сүт-тауар фермасы ашылды. Жобаның құны 6 млрд теңге, оның ішінде "Аграрлық несие корпорациясы"АҚ-ның 5 млрд қарыз қаражаты есебінен ашылған. Ферма жыл сайын 8,9 миллион литрге дейін шикі сүт өндіре алады. Жалпы, Үкімет тарапынан көрсетіліп жатқан шаралардың арқасында Павлодар облысы АӨК-ті дамытудың оң нәтижелерін көрсетіп отыр. Өңірге инвестициялық субсидиялауға 9,3 млрд теңге, несиелер мен лизинг бойынша сыйақы мөлшерлемелерін субсидиялауға 6,3 млрд теңге, мал шаруашылығын субсидиялауға 8 млрд теңге, өсімдік шаруашылығына шамамен 5,3 млрд теңге бөлінді. Осының барлығы түрлі дақылдардың егіс алқаптарын ұлғайтуға, жаңа сүт-тауар фермалары мен бордақылау алаңдарын ашуға мүмкіндік берді.
https://ortcom.kz/kk/novosti/1663557509
-
21.09.2022
Өртті сөндіруге арналған тікұшақ паркі үш есе ұлғайтылады - Әлихан Смайылов Қостанай облысына жұмыс сапарымен барған ҚР Премьер-Министрі Әлихан Смайылов орталық мемлекеттік органдар мен әкімдік басшыларының қатысуымен өңірдің кешенді әлеуметтік-экономикалық даму мәселелері жөнінде кеңес өткізді. Облыс әкімі Архимед Мұхамбетов, төтенше жағдайлар министрі Юрий Ильин, индустрия және инфрақұрылымдық даму министрі Қайырбек Өскенбаев, экология, геология және табиғи ресурстар министрі Серікқали Брекешев, ауыл шаруашылығы министрі Ербол Қарашөкеев, сондай-ақ ұлттық экономика вице-министрі Бауыржан Омарбеков баяндама жасады. Баяндамашыларды тыңдаған Премьер-Министр жақында Қостанай облысында болған орман өрттері жергілікті тұрғындар мен инфрақұрылымға айтарлықтай зиян келтіргенін, адам өліміне әкелгенін атап өтті. Осыған байланысты Әлихан Смайылов орман шаруашылығы төңірегінде құтқару жұмыстарын жүргізу қажеттігін атап өтті. «Тікұшақ техникасының жақын жерден су алып, өртті сөндіруін жеңілдету мақсатында орман алқаптарының жанындағы су қоймаларының түбін тереңдету жұмыстарын жүргізу қажет. Біз тікұшақтар паркін үш есе ұлғайту үшін қосымша суқашыртқы құрылғыларды сатып аламыз, оларды өрт сөндіру үшін пайдалануға болады. Бұл Қостанай облысын қоса алғанда, барлық өңірлерге қатысты», — деді Әлихан Смайылов.
https://ortcom.kz/kk/novosti/1663393879